قشقایی ها همچون دیگر مسلمانان شیعی مذهب دارای اعیاد مذهبی و مراسم ملی هستند.
یکی از این مراسم که قبل از عید نوروز برگزار می شود، مراسم جشن اسفند ماه است که اسفند نمایانگر بهار در ایل است.
...
...
ادامه مطلب ...سوروش قَرَه داغدان
مایل اُولما شمعِنگ روشن اوزونه دوستونی یاندوران اوتاسالان در
گوزنگ سالما گوَزل لَرینگ گوزنَه ناز و غَمزَه لَری جانونگ آلان در
گَل منَدن احوال آل روزگار دَردی من چَگمیشم هجران دردی،یار دردی
سوروش قَرَه داغدان چگمیش قاردردی خوبلا رونان سودا اِدَمِِگ قاشی کمان لار
تلخ اِدَر اوقاتونگ شیرین زبانلار کمان اِدَر بِلنِگ قاشی کمان لار
مَن دَن سیزَه زنهار اولسون جوانلار اینچیه بَلِه بِل باقلاماگ قلان در
قان اِدَر باغریگی مژگان خنجَری آپارور صبریگی نارِ نوبَری
عطرِ دماغ اِدمَه زلفِ عنبری تارِ زلفی صَرّافلی ایلان در
اگر عارِ فِسَنگ دوسمَه کَمَندَه سالوب عارِ فَلری زنجیَره بَنده
اَل دَیمَه زلفونا دوشمَه کَمَندَه بیرزلفی عقرب در بیری ایلان در
قشنگ قِزِنگ سَودیگینیدَه صفا وار صفاواردر،بلاواردر،جفا واردر
مأذون دِسَه شوخ گوزَلَده وفاوار
اِینانمایونگ شاعرسوزی یا لان در
شاعر: میرزا مأذون قشقایی
با ارزوی سالی خوش برای دوستان هم زبان
یاز
هرنه باخام، غنچه گولدن تـوخ اولمام
یاز گلنـــده، گولـلر غنچه آچنده
بو مـستانا بو بولبولدن تـوخ اولمام
اوز ائدنده، بولبـول داغـا اوچنده
یاغوش گلیـب، نقل ونبـات ساتنده
دریا سـویی چشـــمک گؤزه آتنده
هرنه باخم ساغ وسولدن توخ اولمام
داغ آلونده، گون نازونن باتنده
بو دیاردن غــم و غصه میز قاچه
نه یاخشی دیر کهلیک داغا بال آچه
هر نه باخم، من بو یولدن توخ اولمام
قشنگ قیزلارساچ گیروؤراللارساچه
قراغینـده بیر عارفی خرقه‌پوش
قزل آت دیر، کهرقولون، یاشیل قوش
عقل و هوشی آلیر، چولدن توخ اولما
بولبول سسی قویمیراؤنه عقل و هوش
بولبول اولیر مست، ائدیرعشوه گول
دومان دئر:اوزاق ده گیل بورده یول
عاشق و معشوق گئدیر قول به قول
نه اؤ قولدن، نه بو قولدن توخ اولمام
شاعر فرود اژدری
فرستنده: مریم برومند
زبان من جهان من است و جهان من زبانم و قشقایی زبان مادری و افتخار من
گُزُم آغُر اُلُب ، یاتیرَم ،بیر دیش گُریرَم
دیشمنَه بیر قَلان ، غَریب ، ایش گُریرَم
گوُن داغدَن آشیر، ایشخ گِدیر، قَرنگِه دوُشیر،
آی داغدَن چِخیر، دَلِه نی داغَ گدیگه یتِشیر
دَلِه دِه وُ داغ دِه وُ آی
آی که سَنَی، دَلِه مَنَم ،داغ دَکِه تیکانُه
دَلِه دِه وُ داغ دِه وُ آی
آی گجَه لِه دَلِه داغَه گِدمیَه؟!
تیکان گَلَه یالُن قِچَه باتمیَه؟!
دیشمنه بیر یاقچُه گُزَل گِجَه دِه سَن :
داغ دَن قاچَه قاچَه اوُچَه اوُچَه آشیرَی
تارُنی اُ چَمَنلِه یوُردُنُه چادُرلیرَی
سَحَر گَلیر، اُولدُوز گِدیر، گوُن چِخیر
مَن قالیرَم ،تیکان قالیر، داغ قالیر
یُللَر ایچنتَکِه تیکانلَر، باتُب مَنِم قِچِمَه
قانات یُخُم ،اُوچَم گِدَم یُوردُمَه
وارُه یُلُم تیکانلُه دِه، تیکان وارسه قانلُه دِه
گوُنُم قََرَنگِه دِه، یُلُم دوُمان لُه دُه
سَسِم گِدیر ، هَنَه هَنَه ، نَفَس گََلیر:
داغ دن: بیر غَملِه غَریب سَس گَلیر
بوُلُوت چَکیر،گَلیر، اِلدِرِم داغه وُوریر:
آسمان آچُلیر، یاقُش گَلیر،قار گَلیر
آهای تیکان لَره اَکَن تاروُ : دنیا نیَیه مَنَه دار گَلیر؟
یاقُش گَلیر، قاشلُه گُینُم دُلیر، گُزُم دُلُه یاش اُلیر
ایرَگ داشیر، یاشلُه گُزُم یاقُشَه یُلاش اُلیر
سَسِم چِخیر، داد اُلیر، سَنی قارلُه قُلاقلَری داش اُلیر
ایرِم توُکَنیر، گُزُم آچُلیر، مَنِم یوُخو م باش الیر
شاعر فرزاد اسفندیاری
فرستنده:بیژن محمدی